Elevouse á vista deles - Feit 1, 1-11

Domingo 7 de Pascua C - Ascensión do Señor C

TESTEMUÑAS DE XESÚS

Meu Deus, meu Deus,

a ti chego coa miña pregarias nas mans,

unha vez máis,

porque sei que sempre me amas e me acolles.

Alédame e dóeme

este mundo que nos deixaches nas mans,

tan fermoso e tan cruel ao mesmo tempo,

tan cheo da túa presenza

e tan castigado pola túa ausencia.

Alédame poder contemplar cada día

a innumerable ringleira de testemuñas túas,

que dentro das comunidades cristiás e fóra delas

dan fe da fraternidade con firmeza

e demostran en feitos convincentes.

Alédame tamén a vida sinxela dos pequenos

que aman o ben e a xustiza

e que a viven cada día

sen orgullos min vanglorias.

Dóeme en cambio este mundo meu

porque está roto a todos os xeitos,

no seu corpo e na súa alma

e porque quen as pagan sempre son os pobres.

No medio deste mundo

coa túa axuda, co Espírito que vén de ti,

quero ser testemuña túa e das túas causas,

quero ser para todos os demais

unha sinxela e clara proba

do teu amor que nos libera.