Ofreceu pan e viño - Xén 14, 18-20

Corpus Christi - ciclo C

O PAN É UN DEREITO

O pan é un dereito, porque é vida,

o primeiro de todos os dereitos

Sen pan, de que serven os ideais,

declaracións de principios belos?

O pan é vida e liberdade, é graza,

o pan é para todos, di Deus,

o pan non é meu, o pan non é teu, é noso.

Se non dás pan, condenas o irmán,

matas, deixas morrer, son tantos mortos!

O pan que a ti che sobra está amasado

con sangue de inxustiza e con veleno.

Non lle roubes o pan ao miserable,

non é teu o pan que gardas, é alleo.