2 may. 2016

Mostroume a santa cidade que descendía do ceo - Feit 15, 1-2. 22-29

Domingo 6 de Pascua - ciclo C


LUZ DE PASCUA

No último domingo de Pascua
seguímonos enchendo da túa Luz, Señor resucitado.
Queremos vivir sempre en e con esta Luz,
porque a vida é fráxil, e adoitámola encher de escuridade.
Actuamos, traballamos ... , pero con frecuencia
non somos reflexo de amor nin de luz.

E así queremos facer só a nosa casa,
a nosa familia, o noso grupo,
alleos a todo o que sexa romper seguridades baleiras
e axudar a outros a descubrir a túa entrega agarimosa.

Que deamos froitos, Señor.
Que sexamos creadores de fraternidade e de ben.
Que sexamos os primeiros no esforzo
e na valentía para crear relación, apertura e vida.
Que a casa común que Ti queres crear
sexa o centro dos nosos esforzos e esperanzas.
Que todos os teus fillos poidamos vivir con sinxeleza e entrega.

E que para facer todo isto posible,
nunca nos falte o teu Espírito, Señor.
Fainos misericordia e tenrura, Pai,
como Ti es para todos Misericordia e Amor.
                                  

Eucaristía evd


No hay comentarios:

Publicar un comentario