Acheguémonos con confianza ao trono da graza - Heb 4, 14-16

Domingo 29 do Tpo. Ordinario - ciclo B

ORACIÓN POLOS MISIONEIROS

Señor que prometiches acompañarnos sempre

por medio do teu Espírito e non deixarnos orfos:

rogámosche sigas fortalecendo os misioneiros.

No medio de tantas dificultades,

eles levan a túa voz e a túa mensaxe de amor

aos máis pobres.

Neste tempo de graza e esperanza,

fainos dóciles para que o Evanxeo

se desenvolva no medio da sociedade

e que a luz da túa verdade

aumente a fraternidade universal.

Acudimos a María, Nai túa e nosa,

para que nos acubille no seu manto

e ninguén deixe de pertencer

ao teu Reino de xustiza, paz e amor.

Pedímoscho unidos a ti,

que vives e reinas por sempre eternamente.

Amén.