Amósanos, Señor, a túa misericordia, e dános a túa salvación - Salmo 84

Domingo 2 de Advento - ciclo B

NO ESPÍRITO DO NADAL

Xesús, grazas polo teu Espírito,

no que nos queres ir metendo a todos; 

grazas polo teu alento de vida, 

presente en tantos homes e mulleres

que aman a Deus e que aman a comunidade.

Xesús, que ese Espírito nos conduza

para prepararche ben os camiños do Nada. 

Que con el ben dentro de nós

te sintamos a ti e as tú as causas

coma o mellor regalo que Deus 

nos pode facer na vida.

Xesús, ti estás xa presente

cando alguén con cariño e verdade 

nos axuda a descubrirnos

na nosa fraxilidade e pecado, 

e nos conduce ó seo do Pai,

e nos conduce ó seo da comunidade, 

e nos conduce ó seo dos máis pobres

para curamos e axudarnos

a avanzar na verdade e na xustiza. 

Grazas, Xesús,

cando a través da experiencia amarga do pecado 

nos  achegamos máis autenticamente a ti e á xente.

Xesús, que o teu Espírito mate en nós 

a fame de consumo fácil;

que  nos apegue ó pobre e ao pequeno, 

que abra o noso corazón á solidariedade, 

que nos demostre a alegría de compartir 

aínda aquilo pouco que teñamos.

Xesús, co teu Espírito sé para nós

Boa Noticia permanente das nosas vidas pequenas.