A miña alma exultará no Señor, meu Deus - Lc 1, 46-48. 49-50. 53-54

Domingo 3 de Advento - ciclo B

MARÍA DA ESPERANZA

María de Nazaré, nai do noso Señor

Compañeira das nosas marchas, vennos visitar,

Queda ti connosco, vivimos tempos difíciles,

atravesamos baixóns, temos caídas,

éntranos o andazo, inmobilízanos a apatía,

dános rabia a solidez da inxustiza.

María, Virxe da Esperanza,

contáxianos a túa forza,

acércanos o Espírito que enche a túa vida.

Axúdanos a vivir con alegría, 
a pesar das probas e as cruces

que encontramos no seguimento do teu fillo.

Que non nos desalente a lentitude dos cambios,

que as espiñas da vida no nos afoguen

a semente do Evanxeo.

Que non perdamos a utopía, nai boa,

de crer que é posible outro mundo

e outra sociedade.

Que non baixemos os brazos 
na loita pola xustiza

e na práctica da solidariedade.

Que non se enturbe a nosa mirada,

ata o punto de non ver a luz do Señor

que nos acompaña sempre,

que camiña ao noso lado,

que nos sostén nos momentos duros.

Nai, o seu Reino de irmáns

está moi lonxe de ser realidade,

e pídenos, como a ti en Nazaret,

que deamos o mellor de nós

para axudar a realizar o seu proxecto.

Que non lle digamos non.