Pregaria ao comezar o novo curso

O RELOXO DE DEUS

Señor, ao comezar este novo curso

pídoche que me regales un novo reloxo ...

Non, non, nin dixital nin a pilas nin a corda,

quero un moi especial, quero o teu reloxo.

Un reloxo que non marque as horas que me quedan

nin os días que faltan para o fin de semana ...

Un reloxo que marque só e exclusivamente

segundos, instantes, oportunidades para facer o ben.

Un reloxo que se pare cando alguén entre en apuros,

que se adiante para ver as necesidades do outro

e que se atrase para pedir perdón ...

Un reloxo de pulseira ou de parede?

Non; moito mellor; de corazón.

Un reloxo en cuxos números aparezan nomes:

Breixo, Antía, Pedro, Uxía, Beatriz ...

Nomes e máis nomes de amigos, de compañeiros,

de irmáns que Ti, Señor, cada día pos no meu camiño.

Un reloxo cuxas agullas acariñen, abracen, sirvan,

axuden, perdoen, escoiten, compartan ...

e en cuxa esfera apareza o teu rostro de Pai

e de amigo e de compañeiro de clase,

de xogos ou de botellón.

Un reloxo cun gran espertador

que esperte a miña conciencia e a miña indiferenza,

e que me recorde levantarme cando me caia

e poñerme en camiño cando me deteña.

Un reloxo con cronómetro incorporado,  

non para poñerme en tensión, angustiarme ou deprimirme,

senón para aproveitar a tope cada día que Ti me regalas,

cada segundo que Ti convertes nun novo reto,

nunha nova oportunidade.

Señor, ao comezar este novo curso

póñome o meu novo reloxo. O teu reloxo!

Bendí cada unha das horas, minutos e segundos

Que vou pasar, cóbado con cóbado,

e corazón con corazón, ao teu lado.

                                                                                            J.M. de Palazuelo

PD:  Ao longo deste curso. cando na túa vida se faga de noite e cando os problemas escurezan o teu corazón, non esquezas pulsar a luz. Recorda: “Eu son  luz do mundo. O que me siga non camiñará ás 
escuras senón que terá a luz da vida”.

VER TAMÉN: http://xanostesaqui.blogspot.com.es/2012/09/oracion-principio-de-curso.html

POWER POINT : Educar - Rubem Alves