O Señor foi o noso agarimo ó longo das xeracións - Salmo 89

Domingo 23 de Ordinario -ciclo C

A DITA DE SER POBRE

Grazas, Pai,

porque eu son pobre, e camiñas canda min,

ao meu paso, colléndome da man,

para que eu non canse e poida chegar lonxe.

Grazas, Pai,

porque vés a diario á miña casa,

porque comes na miña mesa, porque falas comigo,

porque con gusto pasas o tempo cabo de min.

Grazas, Pai, porque me queres.

Grazas, Pai,

porque pos a confianza en min,

porque esperas moito en min, porque soñas comigo

e co día de mañá que xuntos imos facendo novo.

Grazas, Pai,

porque formo parte dunha comunidade de pobres,

porque son amigo dos pobres,

porque as nosas casas son comúns,

e os nosos cartas tamén,

e a nasa roupa, e a nosa fala,

e os nosos espíritos.

Grazas, Pai,

porque gozo con eles, porque sufro e amo con eles,

porque confío neles, o mesmo que ti confías en min.

Grazas, Pai,

porque o día de mañá é dos pobres,

e o teu Reino tamén.