Descansará neles a vosa paz . Lc 10, 1-12.17-20

Domingo 14 de Ordinario - ciclo C

ORACIÓN DO ENVIADO

Mándame a min, Pai,

mándame a min.

Quero ser xornaleiro da túa terra

onde medra o pan da fraternidade.

Mándame a min.

Estou disposto a sufrir violencia

por me poñer do lado dos pequenos.

Mándame a min.

Quero andar en pobreza por dentro

e por fóra para amar e servir mellor.

Mándame a min.

Lévame da man á casa dos meus veciños

para compartir a vida con paixón de irmán.

Mándame a min.

Canta paz me ten dado a túa paz

para andar con paz na loita necesaria!

Mándame a min.

Gústame compartilo todo

sen negar nada do meu na hora da irmandade.

Mándame a mino

As miñas mans andarán en agarimo e xustiza

polo corpo e pola alma do aflixido.

Mándame a min.

Sen violencia, sen fanatismos, sen intolerancia,

con humildade sinxela e leda.

Mándame a min.