Que grande é no medio de ti o Santo de Israel - Isaías 12

Domingo 3 de Advento - ciclo C

VEN, SEÑOR XESÚS

Non chegas, Xesús,

Ti xa estás aquí.

Agachado, quizais,

pero Ti estás aquí.

Nada do que me pasa

che resulta estraño.

Coñécesme desde dentro.

No cerne das miñas escravitudes,

sufríndoas comigo, estás Ti.

No cerne dos meus triunfos e sorrisos,

creándoos comigo,

estás tamén Ti.

Nada do que pasa no mundo

che resulta estraño.

Coñécelo desde dentro.

No cerne das súas desgrazas e abusos,

sufríndoos coa xente, estás Ti.

No cerne dos seus adiantos e ledicias,

creándoas coa xente,

estás tamén ti.

Feliz a xente do silencio

que te ve somerxido nas tarefas!

Feliz a xente de tarefas

que te ve somerxido no silencio!

Ven, Señor Xesús!