Que o día do Señor non vos sorprenda coma un ladrón - 1 Tes 5, 1-6

Domingo 33 do Tpo. Ordinario - ciclo A

TI, NOSO PAI

Ti, noso Pai, 

non es o amor que sacie dunha vez para sempre,

senón o amor que nos revela 

que ningunha experiencia de amor

é suficiente, nin sequera o teu, 

mentres non te vexamos cara a cara.

Quen busque un amor 

que o dispense de seguir buscando,

que non se achegue a ti, 

o que sementa insatisfacción

en todos os corazóns que se lle entregan.

Ti ensanchas indefinidamente 

a miña capacidade de desexar,

para que a miña fame 

e a miña sede  de vida, de felicidades,

de beleza e de tenrura, 

brille sempre por en riba de todo ben conseguido,

para que siga buscándote a ti, 

o Deus que se oculta aos darse.

O Deus que promete todo 

e está máis alá de todo o prometido.

Antonio López Baeza