Ti e-lo meu fillo benquerido, o meu predilecto - Mc 1, 7-11

Bautismo do Señor - ciclo B

CONTIGO QUERO

CONTIGO QUERO, SEÑOR:

Alcanzar e baixar cara ás augas do Xordán

para sentir que Deus chama sempre

a pesar das dificultades do camiño.

CONTIGO QUERO, SEÑOR:

Deixar a comodidade da miña casa

dos meus amigos e traballos

para empeñarme un pouco

naquilo que o Evanxeo

necesita das miñas mans e do meu esforzo.

CONTIGO QUERO, SEÑOR:

Renovar o meu Bautismo

un tanto empoado polo paso do tempo.

Reavivar o meu Bautismo

un tanto mortecino.

Fortalecer o meu Bautismo

ás veces débil e acomodado.

CONTIGO QUERO, SEÑOR:

Escoitar o meu nome e unha chamada:

"Ti es o meu Fillo",

para que nunca falte na túa causa

boas testemuñas

que pregoen a túa Palabra,

que pronuncien o teu nome,

que dean testemuño do teu Reino,

que ofrezan o que son e teñen

e Deus sexa coñecido, amado e bendicido

no catro direccións do mundo.

CONTIGO QUERO, SEÑOR:

Renovar, levantar,

ilusionar e mellorar,

incentivar e alimentar,

revitalizar e fortalecer

o que un día, pola forza do Espírito,

me fixo fillo de Deus,

membro do seu pobo,

fillo da Igrexa

testemuña do teu Reino:

O BAUTISMO

Amén.

Edith Rubo Romero