+ Textos e Vídeos para o Día da Paz



A PAZ VIRÁ

 Se cres que o sorriso é máis forte que as armas,
 se cres no poder da man estendida,
 se cres que o que irmá as persoas
 é máis forte que o que as separa,
 se cres que ser diferente é unha riqueza
 e non un perigo,
 se sabes mirar aos outros cun pouco de amor,
 se prefires a esperanza á sospeita,
 se crees que ti has dar o primeiro paso
 para achegarte ao outro,
 se podes alegrarte da alegría do veciño,
 se a mirada dun neno aínda che chega ao corazón,
 A PAZ VIRÁ.

 Se a inxustiza que padecen os outros che fai
tanto dano coma se ti a padeceses,
se sabes aceptar que o outro te axude,
se cres que o perdón vai máis aló da vinganza,
se sabes cantar a alegría dos demais
e bailar a túa festa,
se podes escoitar -malia que perdas tempo-,
cun sorriso nos beizos, 
como che explican as desgrazas,
se sabes aceptar a crítica sen defenderte,
se cres que os outros poden axudarte a cambiar,
se o Evanxeo non te escandaliza, ...
A PAZ VIRÁ.

Se sabes escoller e aceptar un punto
de vista diferente ao teu,
se non descargas as túas culpas sobre os demais,
se o outro é, por encima de todo, o teu irmán,
se a rabia é para ti un signo de debilidade
e non de forza,
se prefires ser ferido antes que facer dano a alguén,
se miras o pobre e o oprimido sen sentirte un heroe,
se cres que o amor é a única forza,
se cres que a paz é posible, ...
        A PAZ VIRÁ.           



                                                                                             J.M. Moratiel





TRABALLAR POLA PAZ

Todos podemos traballar pola paz,
pero só ti podes comezar
poñendo paz no teu corazón.
Que a túa oración che dea a serenidade e
a esperanza que necesitas, para construír a paz.

Se te desentendes dos conflitos do teu pobo,
non contribúes á  paz
Se viras as costas ao irmán, víralas á paz,
aínda non constrúes a paz.
Se criticas a acción dos outros,
aínda non te implicas pola paz.

Se respondes con violencia, dás labazadas á paz.
Se recúas antes as dificultades, atrasas a paz.
Se opinas sen fundamentos, contaminas a paz.
Se só a túa opinión é válida, manchas a paz.
Se pos etiquetas aos outros, despides a paz.

Entón ...
Media nos conflitos, 
atende ó teu irmán,
apoia aos que son criticados, 
pacifica sempre,
non recúes nas dificultades,
opina só do que coñeces, 
escoita as opinións dos outros
e que as túas etiquetas sinalen so as virtudes 
dos que te rodean.
Traballa pola paz.



A ESPERANZA

"Hoxe, na noite do mundo e na esperanza da Boa Nova, 
afirmo con audacia a miña fe no futuro da humanidade. 
Négome a crer que as circunstancias actuais 
fagan incapaces aos homes para facer unha terra mellor. 

Négome a crer que o ser humano non sexa máis 
que unha frangulla de palla azoutada 
pola corrente da vida, e sen ter posibilidade algunha 
de influír no curso dos acontecementos.

Négome a compartir a opinión daqueles que pretenden que o ser humano 
é tan cativo da noite sen estrelas, do racismo e da guerra; 
que a aurora radiante da PAZ e da fraternidade 
non poderá nunca chegar a ser unha realidade.

Négome a facer miña a afirmación cínica de que os pobos irán caendo, 
un tras outro, no remuíño do militarismo, 
cara ao inferno da destrución termonuclear.


Creo que a verdade e o amor sen condicións terán a última palabra. 
A vida, aínda provisionalmente vencida, é sempre máis forte que a morte. 

Creo firmemente que, ata no medio dos obuses que estalan e dos canóns que retumban, permanece a esperanza dun radiante amencer. 

Atrévome a crer que, un día, todos os habitantes da terra 
poderán ter tres comidas ao día para a vida do seu corpo, 
educación e cultura para a saúde do seu espírito, 
igualdade e liberdade para a vida do seu corazón. 

Creo igualmente que un día toda a humanidade 
recoñecerá en Deus a fonte do seu amor. 

Creo que a bondade salvadora e pacífica chegará a ser, 
un día, a lei da humanidade. 
O lobo e o cordeiro poderán descansar xuntos, 
cada home poderá sentar debaixo da súa figuera, na súa viña, 
e ninguén terá xa que ter medo. 

Creo firmemente que o conseguiremos."


Martin Luther King



VER TAMÉN:
http://xanostesaqui.blogspot.com.es/search/label/D%C3%ADa%20da%20Paz


Comentarios

Publicacións populares