O Señor ha bendicir o seu pobo coa paz - Salmo 28

Bautismo do Señor - ciclo B

SIGNOS DE ESPERANZA

“Fágase en min segundo a túa palabra”. (Lc 1, 38)

Todo o que o Evanxeo de Xesús nos pide

é ser honestos e auténticos…

estar de corazón e corpo, en todo

e por todas partes, do lado dos pequenos,

dos vulnerables, dos empobrecidos,

así como de todas as vítimas dos máis fortes.

Que a partir de alí, sexamos

na nosa alma e conciencia,

os incansables buscadores,

defensores e promotores da xustiza,

dos Dereitos da persoa,

dos Dereitos da Terra,

da liberdade dos individuos e dos pobos,

e da fraternidade entre todos os humanos…

Que saibamos gardar en nós mesmos

un amplo espazo para respirar como humanos…

pensar con sabedoría, reconciliar o reconciliable,

curar o curable, celebrar con alegría o bo,

o grande, o belo, e nunca negociar

o que Xesús xamais negociaría.

Que non caiamos na tentación

de combater a inxustiza pola inxustiza,

a mentira por uns simulacros de verdade,

o odio por máis odio.

E que, ao mesmo tempo, no fondo do noso ser,

a porta da fraternidade soñada

permaneza aberta a toda  a humanidade.

                                                  (Pedro Casaldáliga)