Santísima Trindade - ciclo A
SOLEMNIDADE DA
SANTÍSIMA TRINDADE -
CICLO A
Primeira Lectura Ex 34, 4b-6.
8-9
LECTURA DO LIBRO DO ÉXODO
O Señor, o Señor Deus, compasivo e benfeitor
Naqueles días, Moisés
ergueuse cedo e subiu ao monte Sinaí, conforme lle mandara o Señor, levando
consigo as dúas táboas de pedra.
O Señor baixou na nube e
presentouse alí onda Moisés, que invocaba o nome do Señor. O Señor, pasando
diante del, proclamou:
‑ O Señor, o Señor, Deus
compasivo e benfeitor, tardo á ira, rico en amor e lealdade.
Moisés, ao tempo que se
prostraba polo chan e adoraba, dixo:
‑ Se acadei graza na túa
presenza, Señor, pídoche que veñas ti connosco; este é sen dúbida un pobo de
dura caluga, pero ti perdoarás as nosas culpas e pecados e farás de nós a túa
herdade.
Palabra
do Señor R/.
Grazas a Deus
SALMO RESPONSORIAL Dn 3, 52.
53. 54. 55. 56
R/. (52b): Ti es digno de gloria e loanza por sempre.
Bendito es Ti, Señor,
Deus dos nosos pais,
bendito o teu nome, santo
e glorioso.
Bendito es Ti no
templo santo da túa gloria,
Bendito es Ti sobre o
trono do teu reino,
Bendito es Ti que
sondas os abismos,
e estás sentado sobre
querubíns.
Bendito es Ti no
firmamento do ceo.
Segunda Lectura 2 Cor 13,
11-13
LECTURA DA SEGUNDA CARTA DO APÓSTOLO SAN PAULO AOS CORINTIOS
A graza de Xesús Cristo, o amor de Deus e a comuñón do Espírito Santo
Irmáns:
Estade alegres,
camiñade cara á perfección, dádevos azos, andade de acordo, vivide en paz e o
Deus do amor e da paz estará convosco.
Saudádevos uns aos
outros co ósculo santo. Mándanvos saúdos todos os cristiáns.
Que a graza do Señor
Xesús Cristo, o amor de Deus e a comuñón do Espírito Santo vos acompañen a
todos.
Palabra
do Señor R/.
Grazas a Deus
ALELUIA Cf. Ap 1, 8
Se non se canta, pódese omitir
Aleluia, aleluia.
Gloria ao Pai e ao Fillo e ao Espírito Santo,
ó Deus que é, e que era, e que virá.
Aleluia.
Evanxeo Xn 3, 16-18
LECTURA DO SANTO EVANXEO SEGUNDO XOÁN
Mandou Deus o seu Fillo para que, por El, se salve o mundo
Naquel tempo, díxolle
Xesús a Nicodemo:
- De tal xeito amou
Deus o mundo, que lle deu o seu Fillo Unixénito, para que todo o que cre nel
non se perda, senón que teña vida eterna.
Non mandou Deus o
Fillo ao mundo para que xulgue o mundo, senón para que por el se salve o mundo.
O que cre nel, non é xulgado; mais o que non cre, xa está xulgado, porque non
creu no Fillo Unixénito de Deus.
Palabra
do Señor R/.
Loámoste, Cristo
CON AMOR
E POR AMOR, DEUS MANIFÉSTASE E PON DIANTE NOSA UN PROXECTO NO QUE IR
DESENVOLVENDO ESE AMOR
ESCOITA ACTIVA
Nunha
sociedade na que as redes sociais, en cuestións de segundos, son quen de poñer en contacto a milleiros de
persoas dun cabo a outro do mundo e de mobilizar e convocar a xente que, malia
non coñecerse, comparte uns mesmos ideais; atopámonos co feito de que moita
xente, moitas familias viven hoxe na máis absoluta das incomunicacións:
comparten a mesma casa, a mesma mesa, o mesmo espazo…pero pouco falan e non se
coñecen entre eles. Son incapaces de abrir o corazón para compartir desánimos,
plans, proxectos ou ilusións.
Porén, a festa
que celebramos hoxe, a Trindade, vén dicirnos que o Deus que se manifesta en
Cristo e que envía o Espírito para alentar a nosa vida non quere camiñar só e
incomunicado, senón que entra en comuñón con nós. Que non pechemos o corazón á
súa chamada.
CORAZÓN MISERICORDIOSO
û
Porque moitas veces negámonos a abrir o corazón cando
precisamos que nos escoiten, preferindo afogarnos na desesperanza e no
desánimo, SEÑOR, QUE O TEU AMOR CAMBIE A
NOSA VIDA.
û
Porque maldicimos moito, e esquecémonos de bendicirte, CRISTO, QUE O TEU AMOR CAMBIE A NOSA VIDA.
û
Porque pedimos moito e agradecemos pouco, SEÑOR, QUE O TEU AMOR CAMBIE A NOSA VIDA.
PALABRA ENRAIZADA
* Moisés non se deixa ir, non queda quieto, senón que se
move. E faino cunha dirección crara e ben determinada: camiña cara Deus. No seu
fondo e pleno encontro con Deus, Moisés sentíase tocado pola súa man e pola súa
presenza, por iso non ten medo, e non se deixa levar da tentación máis doada:
mirar cara atrás, cara Exipto e queixarse. Para el o paso xa estaba dado, a
confianza xa estaba posta en Deus, non era tempo nin de nostalxias nin de
laios. Se Deus non falla, como non ían seguir confiando nel? Por iso non se
deixa levar do desánimo e a tristura. Tamén nós hoxe deberiamos poñer a nosa
mirada nesta actitude de Moisés, que é fondamente pedagóxica e madura. E
debemos facelo así porque no momento no que todo vai ben é moi fácil dicir si,
seguir o que fan todos ou deixarnos levar da retórica do que non compromete nin
nos esixe nada...Pero cando as cousas se torcen, só aqueles que de verdade
teñen as cousas ben asentadas –Moisés era destes- son capaces de facerlle fronte
ás dificultades e problemas que se van presentando, sen deixarse levar do que
fan todos, nin do abandono sen antes terse esforzado.
* A isto mesmo nos invita Paulo desde este fragmento da
carta que lle escribe aos corintios. Só quen entende o que significa estar
alegres –que non é disimulo nin sorriso falso– é capaz de entender a Xesús e a
súa proposta de vida. Unha alegría que ten que ir enchoupando canto somos e
tamén o noso xeito de facer as cousas. Porque a fe non se reduce a un ascetismo
moral nin tampouco a unha actitude mística de alta escola de espiritualidade.
Os seguidores de Xesús estamos chamados a facer de cada paso que damos e de
cada palabra que sae da nosa boca, unha experiencia de encontro cos demais; de
paz ofrecida; de solidariedade compartida e de encontro sincero e fraterno con
quen, coma nós, sabe recoñecer nos outros a presenza dun igual, dun coma nós,
dun irmán... non polo sangue, senón pola esperanza compartida no amor con Aquel
que é todo El amor.
* E o broche a todo isto pono Xoán ao recoller no evanxeo
que vimos de ler a síntese na que podemos resumir a mensaxe de Xesús: o amor de
Deus foi total e tan grande que nin gardou para si ao seu Fillo, senón que o
entregou para que se fixese un de nós; pois só así a ese amor pleno se lle podía
poñer rostro. De aí que o rostro de Cristo, un coma nós, é rostro de esixencia,
participación, unión na procura da xustiza ou paz de igualdade e respecto. E
isto non se pode facer vida e realidade se andamos constantemente coa escopeta
cargada para dispararlle a quen é distinto, a quen pensa e actúa diferente a
nós, a quen non busca poder senón servizo e dispoñibilidade; a quen non mira ao
pasado, senón que constrúe futuro asentándose con forza no presente de cambio e
transformación. Nunha palabra: non será posible darlle rostro, vida e realidade
ao proxecto de Xesús se sempre andamos xulgando, e non somos nunca capaces de
escoitar nin de poñernos no lugar do outro. Iso que agora se chama intelixencia
emocional. Sen ela, a salvación quédase en rito, e a fraternidade e
beneficencia.
FRATERNIDADE ORANTE
Na festa da Santísima Trindade, a
festa do amor en comunicación e apertura aos demais, Deus convócanos e
invítanos a rezar xuntos dicindo:
QUE
SEXAMOS COMUNIDADE EN COMUÑÓN
*
Para que nos esforcemos por ser unha
Igrexa de comuñón, que sabe respectar a pluralidade e buscar camiños que leven
a facer proxectos xuntos, OREMOS.
QUE
SEXAMOS COMUNIDADE EN COMUÑÓN
*
Para que construamos parroquias onde a
relación sexa sempre desinteresada, evitando xulgar e criticar aos demais,
OREMOS.
QUE SEXAMOS
COMUNIDADE EN COMUÑÓN
*
Para que nos esforcemos por facer da
vida unha experiencia que saiba transmitir alegría, paz, respecto e igualdade
de uns cara aos outros, OREMOS.
QUE SEXAMOS
COMUNIDADE EN COMUÑÓN
Grazas,
Señor, por invitarnos a vivir o amor como relación de comuñón de uns cos
outros, seguindo a comuñón que nos mostras co Fillo e no Espírito Santo. Amén.
MIRADA DE ESPERANZA
Non
lle teñas medo aos que agochan a verdade,
ou,
créndose donos dela,
manipúlana,
dosifícana e véndena.
Rebélate,
manifesta
en todos os sitios,
en
todo momento,
a
tempo e a destempo,
a túa
fe na vida e na irmandade
adquirida
ao amparo do Pai,
ao
lado de Xesús,
á
sombra do Espírito,
no seo
da comunidade.
Fíate
de Xesús,
responde
á súa chamada;
fíate
do Pai,
descansa
no seu colo;
fíate
do Espírito,
loita
e se libre.
Estás
investindo a vida
no
proxecto máis grande e venturoso
posto
nas nosas mans.
Non
teñas medo!.
Confía
en Deus!.
CANTO GOZOSO
OFERTORIO:
Misioneiro
Misioneiro
Comentarios
Publicar un comentario