Déuseme todo poder no ceo e mais na terra - Mt 28, 16-20

Domingo Ascensión do Señor - ciclo A

FACEDE DISCÍPULOS MEUS

Facede discípulos meus,

facede discípulos e non mestres,

facede aprendices e non sabios,

facede camiñantes e non xente que estea xa na meta.

Facede crentes e non xente crida,

facede buscadores e non pedantes,

facede inquedos e non satisfeitos,

facede esmoleiros e non xente de abundancias.

Facede xente que pregunta

e non amos de certezas,

facede creadores e non repetidores preguiceiros,

facede amigos da luz, das claridades,

e non fuxitivos cando risca o día.

Facede poetas e non calculadores,

facede xentes de soñas e memorias

e non xente de mapa e agulla,

como dicía o nasa irmán Cunqueiro.

Facede discípulos meus,

para que gocen convosco e vós con eles

no adra humilde e ledo

da fraternidade total da casa do Pai.

Facede discípulos meus,

eu estou sempre convosco.