Mandou Deus o seu Fillo para que, por El, se salve o mundo - Xn 3, 16-18

Santísima Trindade - ciclo A

A LUZ DE DEUS BRILLA EN TI

Cando te esqueciches de Ti mesmo,

cando te esgotaches no servizo aos últimos,

cando venciches a tentación de calquera apego,

cando aceptaches o sufrimento coma compañeiro.

Cando soubeches perder,

cando xa non queres gañar,

cando compartiches o que ti precisabas,

cando te arriscaches polo pobre.

Cando enxergaches as bágoas do inocente,

cando rescataches a alguén do seu inferno,

cando te introduciches no corazón do mundo,

cando puxeches a túa vontade nas mans de Deus.

Cando te purificaches do teu orgullo,

cando te baleiraches de tanto consumismo superfluo,

cando te sentes ferido ....

brilla en ti, gratis, a luz de Deus,

sentes a súa presenza envolvéndote e reanimándote.

Xa non precisas outros tesouros.

Deus acompáñate, fálache, protéxete.