CONVOCATORIA PLATAFORMA: FAGAMOS IGREXA GALEGA

Benqueridos/as IRMÁS/NS.

Envíovos a convocatoria xeral que fixemos 

desde a Editorial SEPT para traballar na inculturación

na Igrexa galega (a moitos xa lle chegou o runrún…). 

Seguindo as indicacións do Concilio Vaticano II 

e as necesidades que remarcaron os mozos 

na Christus vivit -todo un capítulo, o sexto, lembra 

esta necesidade-, un grupo de crentes aos que 

convocamos de xeito consultivo, os máis achegados, 

reunímonos o pasado xoves 17 de outubro para falar 

sobre a posibilidade de facer unha plataforma para unir 

esforzos neste eido. Despois da reunión, vimos viable 

esta plataforma pero vemos a necesidade de falar entre 

todos o xeito de enfocar o traballo e o futuro.

Xa hai alguna iniciativa en proceso e queremos 

invitarvos a participar desta xuntanza e que o 

comuniquedes tamén a todos aqueles que vos

parezan implicados nesta labor. Sería bo ter unha idea 

aproximada de asistentes, polo que envío tamén unha 

ficha de asistencia para poder calcular o aforo.

Desde o compromiso e a alegría cristiá, poñémonos 

mans e corazóns a traballar.

ALÉDATE, COMPARTE E ESPALLA!

Esperamos vernos nesa próxima reunión o venres 

27 de decembro, ás 17.30h, no colexio La Salle de 

Santiago de Compostela. Apuntando na axenda 

para non esquecerse. En breve, enviaremos a orde 

do día para ir pensando o que ten maior prioridade.

Unha leda e agarimosa aperta na fe.

Nuria M. Núñez. Secretaria da Editorial SEPT    

PD Os músicos teñen hoxe unha convocatoria específica para falar do tema da música 

relixiosa galega, para non alongar moito a reunión, sabemos que hai moito do que falar. 

Graciñas pola paciencia.