ORACIÓN SEMANA CORESMA 1 - CADA MAÑÁ

CADA MAÑÁ

Cada mañá mergullareime en Ti, 

auga da vida,

antes de ser vaso,

nutriente no asuco,

xogo na fonte,

acougo no lago.

Cada mañá afinareime en Ti,

Palabra do Pai,

antes de ser rumor ao oído

discurso na aula,

anuncio no vento,

silencio en escóitaa.

Cada mañá orientareime en Ti,

camiño do Reino,

antes de ser paso na rúa,

ruta na fronteira,

pausa na espera,

salto no aire.

Cada mañá repousareime en Ti

sabedoría encarnada,

antes de ser

vixilia no soño,

frecha no arco,

sutura na ferida,

cansazo na túa man.

Cada mañá mirareime en Ti,

imaxe do Pai,

antes de ser

alegría no rostro,

forza nos brazos,

caricia nos ollos,

luz no barro.

Benjamín G.Buelta, sj