Fixo oir aos xordos e falar a os mudos - Mc, 7, 34-37

Domingo 23 ordinario - ciclo B

“EFFATÁ!”. ÁBRETE!

Xesús,

dános oídos abertos

para escoitarmos

a chamada á solidariedade

cos nosos veciños máis pequenos.

Xesús,

dános oídos xenerosos

para saltarmos á primeira

ante calquera demanda

das nosas calidades e servizos.

Xesús,

dános oídos finos

para distinguir as chamadas

e apegamos de corazón

ás que nos falan do amor na verdade.

Xesús,

dános oídos vigorosos

para facerlle caso

á urxente necesidade de organizarnos

para gañar e defender mellor

o noso pan e a nosa paz

Xesús,

dános oídos humildes

para acollermos con gozo

as palabras de loanza,

e aceptar con serenidade

as críticas e correccións.

Xesús,

dános oídos ledos

para percibir e gozar

toda a fermosura espallada

por esta grande terra galega.

Xesús,

danos tamén a palabra

para anunciar e compartir,

para cantar e celebrar

canto antes oímos coa túa axuda.

Manolo Regal “Un caxato para o camiño”