Ninguén ten amor meirande ca este: que un dea a súa vida polos amigos. _ Xn 15, 9-17

Domingo 6 Pascua - ciclo B

NO RESUCITADO

... xa nunca podes sentirte baleiro,

porque estás cheo, plenificado.

Xa nunca podes sentirte só,

porque estás divinamente acompañado.

Xa nunca podes sentirte apoucado,

porque Deus é o teu orgullo

Xa nunca podes vivir en solitario,

porque te envolve a Comunidade.

Xa nunca podes vivir para ti,

porque destruirías a túa identidade.

Xa nunca podes ir contra ninguén,

porque irías contra ti.

Xa nunca podes ser pesimista,

porque levas en ti a fonte da esperanza.

Xa nunca podes sementar discordia,

porque te alimentas de comuñón.

Xa nunca podes ser egoísta,

porque todo o teu é don.

Xa nunca podes deixar de orar,

porque estás continuamente na presenza de Deus.