Quen permanece en min e Eu nel é portador de froito abondoso-Xn 15, 1-8

Domingo 5 Pascua - ciclo B

NOVOS BACELOS

Vós sodes a luz do mundo,

ardente sal nesta terra,

cidade esvelta no monte,

fermento na masa seca.

Vós sodes novos bacelos,

eu, a vide verdadeira,

se meu pai poda as ponlas,

máis froito levan as cepas.

Vós sodes a abundancia

do Reino que xa está cerca,

os doce mil sinalados

que non caerán na sega.

Ditosos, porque sodes limpos

e ricos e, pola pobreza,

é voso o reino que só

se gaña coa violencia.