5 ene. 2012

Ti e-lo meu Fillo benquerido, o meu predilecto - Mc 1

Domingo 3 Nadal -ciclo B


CHAMAS DE BENAVENTURANZA

Dános o teu Espírito aos mozos e aos maiores,
aos homes e ás mulleres, aos de arriba e aos de abaixo,
aos do Leste e aos do Oeste.
Dános o teu Espírito.
DÁNOS O TEU ESPÍRITO DE VIDA

Acende o teu Lume no corazón dos homes,
na boca dos homes, nos ollos dos homes,
nas mans dos homes. Acende o teu Lume.
ACENDE O TEU LUME DE AMOR

Envía o teu Alento aos que cren,
aos que dubidan, aos que aman,
aos que están sós. Envía o teu Alento.
ENVÍA O TEU ALENTO DE VIDA

Envorca o teu Ardor sobre as palabras dos homes,
sobre o silencio dos homes,
sobre as linguas dos homes,
sobre os cantos dos homes. Envorca o teu Ardor.
ENVORCA O TEU ARDOR.

Esperta a túa Inspiración en quen constrúen o mañá
en quen defenden o ben, en quen aman a vida,
en quen crean beleza. Esperta a túa Inspiración.
ESPERTA A TÚA INSPIRACIÓN

Derrama o teu Espírito sobre as casas dos homes,
sobre as cidades dos homes, sobre o mundo dos homes,
sobre os homes de boa vontade.
DERRAMA O TEU ESPÍRITO

Regálanos o teu Espírito, aquí e agora, sobre nós,
os que fomos convocados
a este encontro diario con Deus,
os que nos saudamos co bico da Paz,
os que nos miramos aos ollos e nos apreciamos.
REGÁLANOS O TEU ESPÍRITO 

No hay comentarios:

Publicar un comentario