Ós fillos de estranxeiro traereinos ó meu monte santo - Is 56, 1. 6-7

Domingo 20 do Tpo. Ordinario - ciclo A

 DEUS, 

TI NON ES INTOLERANTE

Deus, ti non es intolerante.

Es amoroso, fiel, apaixonado,

por máis que moitas veces os crentes

aproveitámonos de ti para as nosas intolerancias.

Pensamos defenderte

e acabamos defendemos as nosas ideas,

porque ti non precisas defensa.

Pensamos defenderte a ti,

e ti o que nos pides é que defendamos á xente, ao irmán.

Deus, ti amas a verdade, a luz, a transparencia,

por iso afastas de ti a intolerancia.

Como che gusta ver e contemplar os anaquiños de verdade

espallada por cada pobo, por cada cultura,

por cada relixión e por cada persoa!

Como gozas vendo o avance calmoso

das persoas, dos pobos, da historia,

cara á verdade total, cara á luz sen escuridades.

Con que coidado e agarimo nos dás a Xesús

como faro e meta do noso andar vagaroso

polos camiños da verdade!

Deus, ti non es intolerante;

porque es a verdade total, non es intolerante;

porque nos respectas, non es intolerante;

porque nos amas, non es intolerante.

M. Regal: “Co Evanxeo pola man”