Os nosos ollos están no Señor en tanto El non se apiade de nós - Salmo 122

SALMO AO COMEZAR A MAÑÁ

Ao tocar a luz do día dos meus ollos, Señor,

o meu corazón levántase cara a ti en busca da túa ollada.

Escoita as palabras de quen sente a vida de novo,

e estate atento, Señor, sé achegado á miña man aberta.

Dá resposta á miña pregunta, axúdame na miña inquedanza.

Ti es o meu Señor, e o meu Deus en quen eu confío.

A ti abro o meu ser, as miñas ganas de vivir.

De mañá, nas túa mans poño os meus medos;

de mañá nas túas mans poño a pureza

e sinceridade da miña busca;

de mañá no teu camiño quero dirixir os meus pasos.

Oe a miña voz, Señor, ti que es bo,

e alenta a miña vida que busca en ti luz e calor.