Amósanos, Señor, a túa misericordia e dános a túa salvación - Salmo 84

Domingo 15 de ordinario - ciclo B




DE DOUS EN DOUS

De dous en dous,
en equipo,
para expresar coa vida
o sinal da irmandade
nunha vida compartida.

De dous en dous,
con poder,
para curar moitos males
e expulsar a tantos demos
que nos fan esmorecer.

De dous en dous,
en pobreza,
pero coa grande riqueza
da liberdade máis fonda
de dar e dar incansable
sen agardar nada en volta.

De dous en dous,
compartindo
coa xente o don recibido,
somerxéndose na vida
que o faga limpo e curtido.

De dous en dous,
en directo,
chamándolle en cada caso
ao pan, pan, e ao viño, viño,
aos raposos polo nome,
para que lles sirva de aviso.

De dous en dous,
anunciando
a novidade de Deus
que reclama para os seus
terra na terra e no ceo.




(NOTA: Cambiei o poema desta entrada, atopei estoutro e pareceume máis apropiado)


Comentarios

Publicacións populares