Empezou a mandalos - Mc 6, 7-13

Domingo 15 de Ordinario - ciclo B

SEMENTES DO REINO

Sodes sementes do Reino plantadas na historia.

Sodes boas e temas, cheas de vida.

Téñovos na miña man,

acubíllovos e quérovos,

e por iso vos lanzo ao mundo: Perdédevos!

Non lle teñades medo ás treboadas ou ás secas,

a pisadas nin a espiños.

Bebede dos pobres e enchoupádevos do meu orballo.

Fecundádevos, rebentade, non quededes enterrados.

Florecede e dade froito.

Deixádevos abanear polo vento.

Que toda persoa que ande por vieiros e camiños,

buscando o que está perdido,

ao mirarvos

sinta unha treboada e poida amarvos.

Sodes sementes do meu Reino!