12 abr. 2015

Un só corazón e unha soa alma - Feit 4, 32-35

Domingo 2 de Pascua - ciclo B


PARA TER MÁIS E MELLOR FE

Xesús resucitado,
que pasaches pola dúbida e pola busca,
polo sufrimento e a amargura,
que onda ti medre a nosa fe.

Xesús resucitado,
que nos ves pobres e encollidos,
medosos e retraídos,
que onda ti medre a nosa fe.

Xesús resucitado,
fainos partícipes
da túa humildade para crer,
que onda ti medre a nosa fe.

Xesús resucitado,
fainos avanzar nunha fe limpa
que nos libere, alegre e entusiasme;
que onda ti medre a nosa fe.
Xesús resucitado,
fainos avanzar tamén nunha fe entregada
ao traballo polos dereitos dos débiles;
que onda ti medre a nosa fe.

Xesús resucitado,
que termaches da fe de tantos crentes;
que onda ti medre hoxe a nosa fe.


No hay comentarios:

Publicar un comentario