Hei cantar para ti diante dos anxos, Señor - Salmo 137

Domingo 5 de Ordinario - ciclo C

TESTEMUÑAS DE XESÚS

Queremos ser mensaxeiros da túa Palabra;

danos valentía para levala

por todos os recunchos da nosa sociedade, Señor.

Queremos ser sementadores da túa Esperanza;

danos perseveranza para non baixar os brazos e empezar

cada día como se fose o primeiro día de labranza.

Queremos ser anunciadores de Boas Novas;

danos alegría para contaxiar a outros

a gratuidade do teu amor.

Queremos ser unha man tendida ao outro;

danos compaixón para sentir co teu espírito

e actuar co teu compromiso.

Queremos ser construtores de comunidade;

danos comprensión para escoitar,

para fortalecer relacións, para unir as persoas.

Queremos ser peregrinos dos teus camiños;

estar sempre en movemento, sen instalamos,

sedentos sempre de busca e de encontro.

Amósanos o horizonte, mantén vivas as utopías,

axúdanos a seguir sempre adiante.

Queremos ser as túas testemuñas, Señor da Historia;

queremos mostrar coa nosa vida

que Ti estás no medio de nós.

Dános a fe a toda proba de tantos que,

a diario e sen primeiras planas, fan santo o teu nome

porque fan presente neste mundo o Deus connosco,

coa vida, testemuño e exemplo de irmáns de todos.

                                                                            Marcelo A. Murúa