Preparade o camiño do Señor

Domingo 2 de Advento - ciclo B

                      Advento – Tempo de Esperanza

A esperanza cristiá non é unha estratexia para que suceda o que se desexa.

A esperanza cristiá é certeza confiada e fundada en promesa divina.

A esperanza cristiá non é a reacción de quen, decepcionado de todo, aposta por unha última posibilidade.

A esperanza cristiá é a actitude crente de quen sabe que todo se realiza como profecía do Reino de Deus.

A esperanza cristiá non é a resposta simplista de quen agarda pasivamente a que lle ocorra algo favorable.

A esperanza cristiá é virtude que se fortalece co exercicio do don da fe.

A esperanza cristiá non é evasión do presente.

A esperanza cristiá invita a vivir cada momento con amor.

A esperanza cristiá non se funda en hipóteses imaxinarias.

A esperanza cristiá afunde as súas raíces na fidelidade da Palabra de Deus.

A esperanza cristiá non existe por algo que sucederá.

A esperanza cristiá celebra o que xa sucedeu, e desde a memoria sacra, vive o tempo como promesa de luz.

A esperanza cristiá non é unha forma de pensar optimista nin se debe á euforia do carácter.

A esperanza cristiá espera contra toda esperanza o encontro definitivo con quen é a revelación plena do amor de Deus.

A esperanza cristiá non é fatalista.

A esperanza cristiá gózase constantemente no que vén da Providencia divina.

A esperanza cristiá non é un consolo barato para tempos de crises.

A esperanza cristiá é resposta comprometida na adversidade.

A esperanza cristiá non se vive a forza de brazos.

A esperanza cristiá é don do Espírito Santo.

O Advento é tempo de esperanza.

O Advento é tempo de alegría.

O Advento é prenda das promesas da Salvación.