Novena á Virxe María

2.3.21

Novena á Virxe María - Día 9

Día noveno:

Virxe avogada, auxiliadora e mediadora.

Monición

Irmáns: A colaboración que María prestou á obra da nosa salvación non quedou reducida ao seu paso polo mundo, senón que se estende no ceo, despois de ser glorificada. E así da mesma maneira, queintercedía ante Xesús a prol duns que acababan de casar en Caná de Galilea, continúa agora acedándonos coa súa solicitud maternal os dons da eterna salvación.

Por iso a Igrexa se reúne con María e con ela ora ao Señor e pon nela a súa confianza de ser escoitada cando a invoca con tantos títulos que fan referencia a esta función mediadora entre Deus e os homes, Cristo Xesús.

Palabra de Deus Xn 2, 1-11

O terceiro día houbo un casamento en Caná de Galilea, e estaba alí a nai de Xesús. Tamén foi convidado Xesús e mailos seus discípulos ao casamento. Chegou a faltar o viño e a nai de Xesús díxolle:

-Non che teñen viño.

Replicoulle Xesús:

-Muller, que ten que ver iso comigo? Aínda non chegou a miña hora.

Súa nai díxolles entón ós servidores:

-Facede o que el vos diga.

Había alí seis tinas de pedra para as purificacións dos xudeus, que levan ó pé de cen litros cada unha. E ordenoulles Xesús:

-Enchede de auga como tinas.

Eles enchéronas de todo. Díxolles entón:

-Collede agora e levádelle a proba ao mestre sala.

Eles levárona. E, cando o mestresala probou a auga volta viño, sen saber de onde viña (os servidores si que o sabían, que eles colleran a auga) falou co noivo e díxolle:

-Todo o mundo pon de primeiras do viño bo e, cando están bébedos, o máis cativo; ti, en troques, deixaches o viño bo para agora.

Foi así como fixo Xesús o primeiro dos signos en Caná de Galilea; manifestou a súa gloria, e creron nel os seus discípulos.

Reflexión

1.Os homes amosamos as realidades máis profundas con símbolos e xestos: un regalo, unha flor ... Con iso damos a entender moito máis do que val ou di o xesto en si ou o obxecto.

2.En Caná de Galilea, Xesús realizou o primeiro deses xestos salvíficos a prol dos homes. Porque lle pediu a súa Nai coa delicadeza e teima da que sente e chega ao fondo das cousas: por algo é muller e nai.

3.Xesús é quen dá o don, é o único Mediador entre Deus e os homes. Pero María é quen o fai posible, a que intercede, a que di a todos: "Facede o que el vos diga". Descobre así unha función que Ile foi confiada e que comezou a realizar despois da hora da cruz, cando recibiu a misión de ser nai dos discípulos.

4.María, unida aos discípulos, orando con eles e esperando a vinda do espírito, revela a súa presenza intercesora nas súplicas e nas loanzas da Igrexa ao seu Señor. A Igrexa contémplase nesta actitude deMaría, xa que ela tamén é intercesora por toda a humanidade e foi posta no medio do mundo coma un signo de salvación.

Preces

Proclamemos a grandeza de Deus Pai todopoderoso, que quixo que todas as xeracións felicitasen a María, a Nai do seu Fillo, e supliquémoslle dicindo: