INICIO DE CORESMA - Semana da Cinza

ORACIÓN SEMANAL

Os que fomos bautizados,

os que acollemos a revelación do Deus vivo,

os que descubrimos que somos os seus fillos,

os que seguimos escoitando a voz do Espírito,

penetremos no deserto sen medo

e camiñemos con paso lixeiro!

Coresma é ese tempo de preparación e inicio,

tempo para vivilo en camiño,

sen instalarse, sen retelo, sen queixume,

coa esperanza sempre mantida

e a mirada fixa noutro tempo, a Pascua,

que sendo tempo de paso é definitivo.

Entremos en Coresma convencidos,

listos para o combate, lixeiros de equipaxe,

con mente despexada, calzado apropiado,

entrañas cheas de tenrura e misericordia

e moita paciencia connosco mesmos...

Ben equipados en corpo e espírito!

Deixémonos mecer pola brisa do Espírito;

poñamos o noso corazón en sintonía

cos latexados de Deus e o berro dos afligidos;

desprendámonos de todo o accesorio,

bebamos nos mananciais da vida

e non nos deixemos enganar polos espellismos do deserto.

 ...

F.Ulibarri

LECTURAS COMPLETAS

                                                          

 MÉRCORES DA CINSA

 PRIMEIRA Xl 2, 12-18

  Esgazade os vosos corazóns e non os vosos vestido

 

SALMO RESPONSORIAL Sal 50, 3-4. 5-6a. 12-13. 14 e 17

 R/ (cf 3a): Apiádate, Señor, porque pecamos

  

SEGUNDA 2 Cor 5, 20-6, 2:

 Reconciliádevos con Deus. Éste é o tempo conveniente

  

EVANXEO Mt 6, 1-6. 16-18

 Teu Pai, que ve o segredo, hate recompensar.

Xoves despois da cinsa

PRIMEIRA Dt 30, 15-20: 

Velaí vos propoño bendición e maldición

  

SALMO RESPONSORIAL Sal 1, 1-2. 3. 4 e 6 

R/ (Sal 39, 5a): Feliz o que pon no Señor a esperanza

  

EVANXEO Lc 9,22-25 

Quen perda a súa vida pola miña causa, salvarase

Venres despois da Cinsa

PRIMEIRA Is 58-1-9a

Non é este o xexún que elixín?

 

SALMO RESPONSORIAL Sal 50, 3-4. 5-6a. 18-19

R/ (19b): Un corazón contrito e humilde 

ti, Deus, non o desprezas.

 

EVANXEO Mt 9, 14-15

Cando se queden sen o esposo, entón xexuarán

Sábado despois da Cinsa 

PRIMEIRA Is 58, 9b-I4: 

Se lle quitas ó famento a gana que ti sentes, 

a túa luz brillará na escuridade 

 

SALMO RESPONSORIAL Sal 85, 1-2. 3-4. 5-6 

R/ (11a): Ensíname, Señor, os teus camiños, 

e andarei coa túa verdade

 

EVANXEO Lc 5, 27-32 

Non vin chamar os xustos, senón ós pecadores para que fagan penitencia

------------------------------------------------------

MATERIAL DE CORESMA  2021

DIOCESE DE OURENSE

Domingo 1º de Coresma:

Uhna esperanza probada

Reflexión

A mediados da Coresma do ano pasado (compartida con toda a humanidade), sorprendeunos unha emerxencia sanitaria e social. Agora volvéronse cotiás palabras difíciles de vivir e pronunciar, como “estar en corentena”, “confinamento”, “medidas sanitarias…”, e tivemos que vivir xuntos unha pandemia de consecuencias dolorosas. Comprobamos que “poñerse en corentena” é poñerse nun proceso de curación e recuperación para superar un proceso vírico que dana o propio corpo e que se propaga ao corpo dos demais.

A Coresma litúrxica é como un tempo terapéutico para o crecemento vital espiritual, como un tempo de practicar coidados que axudan ás persoas e á comunidade cristiá na súa maduración e vivencia da experiencia de Deus. Estamos experimentando neste tempo o “deserto” da inseguridade e da incerteza. Non temos asegurado o éxito nin temos certezas de que facer e como, nin como será o noso futuro. É un tempo para dar espazo á interioridade, ao silencio, á oración e ao traballo persoal para mirar de fronte esta “desolación” na que nos atopamos.

Xesús tamén viviu o “deserto” e foi tentado cas nosas mesmas tentacións. Pero saíu reforzado e máis convencido aínda da experiencia recibida: dentro de todos os “desertos” da nosa humanidade hai un oasis escondido: o Reino de Deus que non morreu. Levámolo escondido. Será necesario non deixarnos envolver por as tentacións que nos paralizan (crernos os mellores, únicos, poderosos, propietarios ou enfadados porque non somos o centro do mundo ou non somos aplaudidos) e poñernos na procura para atopar ese tesouro que nos abre á esperanza desde a conversión. Poñernos en marcha por sendeiros novos, abandonar tanto lastre que nos impide viaxar, falar e servir libres e lixeiros para ser testemuñas da Boa Nova como pregoeiros e non como propietarios. Non está todo perdido!

Preguntas para ver:

- Que tentacións experimentaches ti durante este tempo de confi namento, restricións, perdas, separación? Como reaccionaches?

- Que tentacións temos como sociedade cando falta a esperanza? En que feito o viches?

- Tes constatado desánimo, tirar a toalla ou indiferenza ante o problema dos demais? Ou pola contra, viches tesón, valentía, esforzo, ante situacións difíciles?

Evanxeo: Mc 1, 12- 15

Breve silencio

Xesto · símbolo: Busca unha pedra para esta Semana e pona no lugar da Biblia, como signo do compromiso de saber aceptar as probas con esperanza.

Oración:

Xesús, estamos atravesando un tempo de proba, confinados, distanciados, con medos e en horas incertas, coma ti, cando preparando a túa misión, adentrácheste no deserto da inseguridade e da incerteza. Neste tempo litúrxico de coresma que iniciamos, abrímonos a túa Palabra e ao teu Espírito para vencer desde dentro tantas tentacións que nos paralizan e revitalizar tantas esperanzas mortas. Ti, hoxe, disnos: “convertédevos e crede no evanxeo”, esta é a senda para abandonar o lastre, saltar a pedra do tropezo e saber aceptar as probas con esperanza. Xesús, cremos en ti. Non nos deixes caer na tentación.

Canto