Venres Santo
O coronavirus
sitúanos ante unha das cruces que os seres humanos temos que afrontar ao longo
da nosa vida: a cruz da enfermidade. Unha cruz que pode chegar a trastornar todos
os ámbitos da existencia: o ámbito persoal, o familiar, o social e mesmo o
mundial, como está a ocorrer.
Oramos, xunto
á cruz de Xesús, para que o Señor nos axude no medio desta circunstancia excepcional
que require da colaboración de todos para poder superala.
Que atopemos luz
e paz na Cruz do noso Señor Xesucristo.
1ª
Estación
Xesús é
condenado á morte
Pedimos nesta
estación por todas as persoas. Somos fráxiles. Estamos expostos a
virus, enfermidades, pecados, perigos… É a “condena” da nosa
limitación e debilidade humana. Que asumamos esa condición
de
fraxilidade que nos identifica: non somos deuses, somos de carne e óso, co que
esta realidade leva.
2ª
Estación
Xesús carga
coa Cruz
Pedimos nesta
estación por todas as autoridades políticas e sanitarias que teñen a
responsabilidade de xestionar esta crise do coronavirus, buscando o
ben común da sociedade. Tócalles cargar ás súas costas a cruz de velar pola
saúde das persoas. Que Deus os ilumine e os guíe na toma de decisións.
3ª
Estación
Xesús cae por
primeira vez
Pidamos nesta
estación para que non caiamos na tentación da frivolidade, de non tomarnos en
serio as recomendacións que se nos fan para evitar posibles contaxios, pondo en
risco a nosa saúde e a saúde dos demais.
4ª
Estación
Xesús atopa á
súa Nai
Pidamos nesta
estación a intercesión da Virxe María, e para que confiemos na
tarefa de tantos profesionais que velan -como nais- pola nosa saúde e o noso benestar.
5ª
Estación
Simón de
Cirene axuda a Xesús a levar a Cruz.
Pidamos nesta
estación polos profesionais sanitarios: médicos, enfermeiras, auxiliares… por
todo o persoal dos hospitais que son os cirineos que axudan aos enfermos a
vencer a enfermidade. Que Deus os protexa, os coide, os fortaleza e os axude
nesta hora difícil.
6ª
Estación
Unha muller
limpa o rostro de Xesús
Pidamos nesta
estación polas persoas que, de maneira altruísta, axudan, colaboran, se solidarizan,
achegan o seu tempo e os seus dons para aliviar
tantas necesidades como carrexa unha situación como esta. Que
aprendamos a
estar sempre á beira dos que sofren, sen estigmatizar a ninguén.
7ª Estación
Xesús cae por
segunda vez
Pidamos nesta
estación para que non caiamos no medo, na histeria, na
desesperanza… que non conducen a nada. Que o Señor nos dea serenidade
para afrontar esta situación de emerxencia que nos toca vivir.
8ª
Estación
Xesús consola
ás mulleres de Xerusalén
Pidamos nesta
estación por tantos crentes como nestes días rezamos para que Deus á parte do mundo
este mal do coronavirus. Que Deus escoite e atenda as
nosas oracións.
9ª
Estación
Xesús cae por
terceira vez
Pidamos nesta
estación por quen sofre os danos colaterais desta crise. Dun modo especial
polos empresarios que ven perigar o seu medio de subsistencia e polos obreiros
que, como consecuencia, quedan sen traballo. Que pronto todo poida volver á
normalidade.
10ª
Estación
Xesús é
desposuído dos seus vestidos
Pidamos nesta
estación polos investigadores que buscan un remedio de curación
eficaz, para que os seus traballos pronto poidan dar froito.
11ª
Estación
Xesús é
crucificado
Pidamos nesta
estación por todos os que gardan corentena, ben por ter o virus, ben
por convivir con persoas infectadas. Que o Señor lles dea paciencia, e que este
tempo lles sirva de proveito para reflexionar sobre a propia vida e sobre a necesidade
que temos de Deus.
12ª
Estación
Xesús morre
na Cruz
Pidamos nesta
estación por todos os que faleceron con coronavirus, para que Deus
os acolla no ceo onde xa non hai nin enfermidade, nin loito nin dor.
13ª
Estación
Baixan a Xesús
da Cruz
Pidamos nesta
estación por todos os familiares de quen padeceron ou están a padecer a
enfermidade do coronavirus, para que o Señor os acompañe e fortaleza no medio
da situación familiar que están a vivir.
14ª
Estación
Xesús é
sepultado
Pidamos nesta
estación para que aprendamos a asumir tantas realidades dolorosas como nos toca
afrontar ao longo da vida, incluída esta de o coronavirus, desde a luz da fe,
na esperanza de que todo é pasaxeiro, de que Deus ten sempre a última palabra.
15ª
Estación
Xesús
resucita
ORACIÓN
FINAL:
Oh, Deus, que
sabes que non podemos subsistir pola nosa fraxilidade, asediados por tantos perigos,
como agora padecemos coa pandemia do coronavirus. Concédenos a
saúde da alma e do corpo, para superar coa túa axuda este perigo. Cura aos
enfermos e dános a paz. Por
Xesucristo o noso Señor. Amén.
Comentarios
Publicar un comentario