Domingo Cristo, Rei do Universo B

PRIMEIRA Dn 7, 13-14:

O seu poder é eterno

PROCLAMACIÓN DA PALABRA RECOLLIDA NA PROFECÍA DE DANIEL

 13Proseguín ollando as visións nocturnas, e, velaquí, sobre as nubes do ceo viña alguén

semellante a un fillo de home, que se dirixiu cara ó ancián e presentouse diante del.

14Foille outorgado poder, maxestade e imperio, e servírono tódolos pobos, nacións e

linguas. O seu poder é un poder eterno, que non pasará nunca, e o seu reino endexamais

non será destruído.

SALMO RESPONSORIAL Sal 92, 1ab. 1c-2 . 5

R/ (1a): Reina o Señor, vestido de maxestade,

1Reina o Señor, vestido de maxestade,

o Señor está vestido, cinguido de poder,

e o mundo non abanea, está firme.

2O teu asento está afincado desde sempre,

ti estás aí desde a eternidade.

5A revelación do Señor é verdadeira,

a santidade é o ornato da túa casa,

polos séculos, Señor.

SEGUNDA Ap 1, 5-8:

O príncipe dos reinos da terra constituinos en reino, sacerdotes para o noso Deus

PROCLAMACIÓN DA PALABRA RECOLLIDA NO LIBRO DA APOCALIPSE DE SAN XOÁN

 Xesús Cristo é a testemuña que merece fe, o primeiro en renacer da morte e soberano dos

reis da terra.

A aquel que nos ama, que nos liberou dos nosos pecados co seu sangue 6e que nos

converteu nun reino, en sacerdotes para o seu Deus e Pai: a el a gloria e mailo poder polos

séculos dos séculos. Amén.

7Velaquí vén nas nubes,

e todo ollo o verá,

mesmo aqueles que o traspasaron:

por el baterán no peito tódalas razas da terra.

Certo. Amén.

8Eu son o Alfa e o Omega, di o Señor Deus, o que é, o que era e o que está a vir, o que

todo o sostén.

ALELUIA..... Mc 11, 9. 10:

¡Bendito o que ven no nome do Señor!

¡Bendito o Reino do noso pai David que ven!

EVANXEO Xn 18, 33b-37:

Ti dis que eu son rei

PROCLAMACIÓN DO SANTO EVANXEO SEGUNDO XOÁN

 Dille Pilato a Xesús:

-¿Es ti o Rei dos Xudeus?

34Xesús respondeu:

-¿Dilo ti pola túa conta ou dixéroncho outros de min?

35Pilato replicou:

-¿E logo son eu xudeu? A túa xente e os sumos sacerdotes entregáronte a min: ¿que

fixeches?

36Xesús contestoulle:

-O meu reino non é deste mundo; se deste mundo fose, os meus oficiais loitarían para que

ninguén me entregase ós xudeus; pero o meu reino non é de aquí.

37Díxolle entón Pilato:

-¿Logo ti es Rei?

Xesús respondeu:

-Tal como o estás dicindo, eu son Rei: para iso nacín e para iso vin ó mundo, para dar

testemuño da verdade; todo o que está aberto á verdade, escoita a miña voz.