Gustade e vede que bo é o Señor - Salmo 33

Domingo 19 - ciclo B

TREBOADAS DE VERÁN

Con tanta protección, con tanta garantía,

Con tanta defensa, con tanta muralla,

con tanto seguro, con tanto capricho ...

non estamos afeitos a loitar no mar da vida.

Calquera imprevisto, aínda o máis pequeno:

a incerteza ante o futuro, o presentimento dun cambio,

o medo ao descoñecido, unha dor fortuíta,

a presenza de estranxeiros, a sospeita de nada en concreto ...

paralízanos e prodúcenos receo.

Por que tedes medo, persoas de pouca fe?

Só é unha treboada de verán.

Un mariñeiro medra na forte mareira,

mentres terra dentro hai quen afoga nun vaso de auga.

As chuvieiras só duran horas, nunca semanas.

E despois do temporal chega a calma.

Pode que chova moito e con forza,

ás veces é necesario para arrincar

as nosas costras e as nosas teas de araña.

Pero non teñades medo ....

Só é unha treboada de verán.