Vende todo o que tes e repárteo entre os pobres,... e despois ven e sígueme

Domingo 28 Ordinario - ciclo B

MESTRE BO, QUE TEÑO QUE FACER?

Non lle teñas medo a Xesús,

nin ás súas palabras.

Cando el fala ben sabe o que fala.

Cando el promete vida,

é que ten xeito de dala,

é que pode dala, e abondosa.

Nunca lle teñas medo.

Achégate a el co corazón na man,

Disposto/a a escoitar a súa palabra

e poñela en práctica.

Nunca lle teña medo a Xesús.

Se es pobre,

fará da túa pobreza

unha bendición de Deus

e unha forza de cambio

para que a todos chegue

o pan, o dereito e a xustiza.

Se es rico,

fará de túa riqueza

unha bendición de Deus

e unha forza de cambio

para que a abundancia chegue tamén

a quen polo abuso dalgúns

non poden gozar xa nesta vida

das cousas boas de Deus

que el espallou polo mundo,

como un adianto da vida completa

e do gozo sen fin.

Non lle teñas medo a Xesús.

Nunca lle teñas medo a Xesús.

Achégate correndo a el, e pregúntalle:

Mestre bo, que teño que facer

para lograr vida eterna?