ORACIÓN DA 3ª SEMANA DE CORESMA

 

A VIDA É UN CAMIÑO A vida é un camiño. Desde que nacemos é preciso partir. Hai que ir deixando atrás moitas cousas: infancia, familia, fogar, ... saír do presente e orientarse cara ao futuro .. e camiñar .. Non podemos pararnos porque a vida segue. O importante é non deixar a propia ruta e non saírse do camiño, aínda que ás veces resulta difícil e costa arriba. Pero non imos sós. Camiñamos cos outros, e Cristo tamén se fai compañeiro de camiño. E o camiño ten unha meta. A vida ten un sentido. Ao final do camiño cearemos xuntos. E farase luz. Entón Percibiremos que o corazón ardía mentres faciamos o camiño. E virannos as ganas de reemprender o camiño, de volver ao encontro dos que quedaron atrás. Porque os outros tamén esperan que vaiamos dicirlles: "Vimos ao Señor".