Convertéronse os ninivitas da súa mala vida - Xon 3, 1-5. 10

Domingo 3 do Tpo. Ordinario - ciclo B

ESTA TARDE 

VEÑO PREGUNTARVOS

Pedro, Andrés, Santiago, Xoán,

Pescadores, como tantos outros,

no lago de Galilea,

esta tarde veño preguntarvos:

Que vistes? Que oístes?

Que mirada, que chamada,

que xesto vos cativou o corazón

que, sen mediar palabra,

deixastes pai, redes, peixes,

lago e barca?

Dicídeme, que vistes nel?

Que palabras súas se vos coaron dentro?

Que lume ardía nel?

Que luz desprendía a súa mirada?

Andrés, Xoán, Santiago, Pedro,

vós, que pescades con El,

dicídelle que, como un humilde pescador,

camiño cada día

xunto ao lago da vida,

dicídelle tamén que o meu corazón

e a miña mirada búscano.

Fco. Javier García Gutiérrez