OLLOS NOVOS PARA UN CEGO

REFLEXIÓNS 4

Quen me vende uns ollos vivos

para esculcar ao redor,

descubrindo en todas partes

sinais do meu Señor?

Quen me dá ollos espertos

coa luz de cada amencer,

para ver e gozar coas cousas

que neste día hei de ver?

Quen me dará ollos limpos

que reflictan o que eu son,

que ollen para as persoas

con ollos de admiración?

Quen me dará ollas fondos

para me poder achegar

ás fonduras de esperanza

que a xente leva nos mans?

Quen me dará ollos certos

para acertar a descubrir

a cara de Deus nos pobres,

nos máis cansos de sufrir?

Quen me dá ollos chorosos

para chorar con dolor

os erros da miña vida

que me rouban a ilusión?

Quen me dará ollos ledos

para poderme alegrar

cos triunfos que o pobo acade

cos froitos do seu loitar?

Quen me dará ollos listos

para ver de distinguir

quen lle leva o pan aos pobres

quen lles afoga o porvir?

Quen poñerá nos meus ollos,

cansos de ver e esculcar,

un acougo cada noite,

un descansiño, non máis?