SEMANA 2 DE CORESMA
SALMO DO XAXÚN
Non queremos, Señor,
caras longas
nin corazóns tristes.
Xaxuar é ter fame de ti,
é solidarizarse cos pobres,
cos pequenos do mundo,
que xaxúan de todo
porque apenas teñen nada.
Sabemos, Señor,
que o xaxún que ti queres
é amor derramado,
entrega ofrecida,
cambio de corazón.
Señor, polo xaxún,
fainos partir o pan
cos que non o teñen,
repartir esperanza
cos que carecen dela,
amar a todos
sen excluír a ninguén.
Dános Señor,
ser sinxelos e transparentes,
acollendo de ti
a iniciativa,
a pór o corazón en marcha. Amén.
Comentarios
Publicar un comentario