BENDICIÓN "URBI ET ORBI"


Escoita da Palabra de Deus

O Santo Padre:
No nome do Pai, do Fillo e do Espírito Santo.
A. Amén.


Oración

O Santo Padre:
Oremos.
Deus todopoderoso e misericordioso, mira a nosa condición
dolorosa: consola aos teus fillos e abre os nosos corazóns á
esperanza, para que sintamos no medio de nós a túa presenza de Pai.

Polo noso Señor Xesucristo, o teu Fillo, que é Deus, e vive e reina
contigo, na unidade do Espírito Santo, por sempre eternamente.
A. Amén.


Evanxeo

O Lector:
Escoitamos a Palabra do Señor do Evanxeo segundo Marcos 4, 35-41
E naquel día á caída da noite, díxolles:
‑Ora, vamos para a beira de alá.
Eles, deixando a xente, levárono no bote onde estaba sentado; e ían seguidos por outras barcas. E formouse tal remuíño de vento que os salseiros caían enriba do bote e enchíano de auga. El, entrementres, estaba na popa durmindo sobre un cabezal. Fórono espertar, berrándolle:
‑Mestre, ¿seica non che importa que afoguemos?
Entón el, espertando, increpou ó vento, e díxolle ó mar:
‑Silencio, e acouga!
O vento amainou, e veu unha gran calma.
Despois díxolles:
‑Por que tendes tanto medo? Seica aínda non tendes fe?
Eles, cheos dun medo enorme, comentaban entre si:
‑Pero, quen será este, que mesmo o vento e o mar o obedecen?

Meditación do Santo Padre.
Recollemento ante a “Salus Populi Romani” (imaxe da Virxe e o Neno, que se atopa na Basílica de Santa María a Maior en Roma) (cántase "Sub tuum praesidium").

Debaixo do teu amparo
nos acollemos, María,
non rexeites as pregarias
que rezamos noite e día.
Porque nos cómpre unha Nai
coma Ti, Virxe bendita.
Que da maldade nos libra
e coa súa man nos bendiga.
Na soidade nos escoite
e na morte nos asista.



Recollemento ante o Crucifixo de San Marcelo (antífona á Cruz):

"Ecce lignum crucis, in quo salus mundi pependit... Venite adoremus".

" Velaquí o madeiro da cruz no cal pendía o salvador do mundo... Vide adoralo ".


Exposición, adoración e bendición Eucarística
Exposición do Santísimo Sacramento
Adoración do Santísimo Sacramento (cantando " Adoro Te devote").




Súplica letánica

ADORÁMOSTE, OH SEÑOR.
Verdadeiro Deus e verdadeiro home, realmente presente neste Santo Sacramento
Adorámoste, oh Señor
Salvador Noso, Deus-con-nós, fiel e rico en misericordia
Adorámoste, oh Señor
Rei e Señor da creación e a historia
Adorámoste, oh Señor
Vencedor do pecado e a Morte
Adorámoste, oh Señor
Amigo do home, resucitado e vivo á dereita do Pai
Adorámoste, oh Señor

CREMOS EN TI, OH SEÑOR.
Fillo unixénito do Pai, descendido do Ceo para a nosa salvación
Cremos en ti, oh Señor
Médico Celestial, que te inclinas ante a nosa miseria
Cremos en ti, oh Señor
Año inmolado, que te ofreces para rescatarnos do mal
Cremos en ti, oh Señor
Bo Pastor, que dás a vida polo rabaño que amas
Cremos en ti, oh Señor
Pan vivo e medicina de inmortalidade, que nos dá a vida eterna
Cremos en ti, oh Señor

LIBÉRANOS, SEÑOR
Do poder de Satanás e as seducións do mundo
Libéranos, Señor
Do orgullo e a presunción de poder prescindir de Ti
Libéranos, Señor
Dos enganos do medo e a angustia
Libéranos, Señor
Da incredulidade e a desesperación
Libéranos, Señor
Da dureza do corazón e da incapacidade de amar
Libéranos, Señor

SÁLVANOS, OH SEÑOR
De todos os males que aflixen á humanidade
Sálvanos, Oh Señor
Da fame, a carencia e o egoísmo
Sálvanos, Oh Señor
Das enfermidades, das epidemias e o medo ao irmán
Sálvanos, Oh Señor
Da tolemia devastadora, os intereses desapiadados e a violencia
Sálvanos, Oh Señor
Dos enganos e a información malintencionada e da manipulación das
conciencias
Sálvanos, Oh Señor

CONSÓLANOS, OH SEÑOR
Mira á túa Igrexa, que cruza o deserto
Consólanos, oh Señor
Mira a humanidade, aterrorizada polo medo e a angustia
Consólanos, oh Señor
Mira aos enfermos e moribundos, oprimidos pola soidade
Consólanos, oh Señor
Mira aos médicos e traballadores da saúde, esgotados pola fatiga
Consólanos, oh Señor
Mira aos políticos e administradores, que soportan o peso das decisións
Consólanos, oh Señor

DÁNOS O TEU ESPÍRITO, OH SEÑOR
Na Hora da Proba e o desconcerto
Dános o teu Espírito, Señor
Na tentación e a fraxilidade
Dános o teu Espírito, Señor
Na loita contra o mal e o pecado
Dános o teu Espírito, Señor
Na procura do verdadeiro ben e o verdadeiro gozo
Dános o teu Espírito, Señor
Na decisión de permanecer en Ti e na túa amizade
Dános o teu Espírito, Señor

ABRENOS Á ESPERANZA, OH SEÑOR.
Se o pecado nos oprime…
Ábrenos á esperanza, oh Señor
Se o odio pecha o noso corazón…
Ábrenos á esperanza, oh Señor
Se a dor nos visita…
Ábrenos á esperanza, oh Señor
Se a indiferenza nos angustia…
Ábrenos á esperanza, oh Señor
Se a morte nos aniquila…
Ábrenos á esperanza, oh Señor





Oración
O Santo Padre:
Oremos.
Señor Xesucristo, que no admirable sacramento da Eucaristía
nos deixaches o memorial da túa Pascua, fai que adoremos con fe viva
o santo misterio do teu Corpo e do teu Sangue, para sentir
sempre en nós os beneficios da redención. Ti que vives e
reinas por sempre eternamente.
R/. Amén.

O Cardeal Angelo Comastri, Archiprete da Basílica de San Pedro, anuncia a bendición "urbi et orbi", con indulxencia plenaria adxunta por unha monición especial:

O Santo Padre Franciso
a todos aqueles que reciben
a bendición eucarística
a través da radio,
a televisión e outras tecnoloxías da comunicación,
conceden
a indulxencia plenaria
na forma
establecida pola Igrexa.

O Santo Padre dá a bendición co Santísimo Sacramento.


Aclamacións
Bendito sexa Deus.
Bendito sexa o seu santo nome.
Bendito sexa Xesús, verdadeiro Deus e verdadeiro hombre
Bendito sexa o nome de Xesús.
Bendito sexa o seu sacratísimo corazón
Bendita sexa o seu preciosísimo Sangue
Bendito sexa Xesús no santísimo Sacramento do altar.
Bendito sexa o Espírito Santo Paráclito.
Bendita sexa a gran Nai de Deus, María Santísima.
Bendita sexa a súa santa e inmaculada concepción.
Bendita sexa a súa gloriosa asunción.
Bendito sexa o nome de María, virxe e nai.
Bendito sexa san Xosé, o seu castísimo esposo.
Bendito sexa Deus nos seus anxos e nos seus santos.


Comentarios

Publicacións populares