ORACIÓN 1º DOMINGO DE ADVENTO

REBORDAR DE AMOR

Que o Señor vos faga medrar no amor duns cos outros e con todos, ata rebordar 

(1 Tes 3, 12)

Que o Señor nos colme do seu amor

até saciarnos e máis.

Que nos encha de amor mutuo e de amor universal.

E nos faga rebordar.

Rebordar de amor

Que o Señor nos colme

de bos sentimentos e palabras afectuosas,

capaces de chegar ao corazón

e conmover as entrañas.

E nos faga rebordar.

Rebordar de amor

Que o señor nos colme

de sensibilidade á dor allea

e conciencia lúcida e aguda

para saír ao encontro do mal.

E nos faga rebordar.

Rebordar de amor

Que o Señor nos colme

de actitudes cordiais e bondade tanxible.

Un amor solidario, traducido

en xestos altruísta, en accións humanitarias.

E nos faga rebordar.

Rebordar de amor

Joaquín Suárez