ORACIÓN DOMINGO 5 ORDINARIO C

 



PARA QUEN SON EU?

Por que chegas Señor Xesús 
na hora menos acaída, 
á hora do cansanzo, 
á hora en que recollo as redes 
do meu fracaso?

Por que teimas en invadir 
a miña pobre barca e  pídesme 
que confíe e volva remar?

Por que Ti me pides, Señor Xesús, 
carpinteiro de interior, 
se ti non sabes coma eu sei 
de peixes e de mares 
que volva largar o aparello?

Por que?...
Por que?...
Por que me sorprendes, 
por que me engaiolas, Nazareno?
Pero a pregunta é...  para que?

Para que leve unha boa nova.


Carlos González Prieto




Comentarios

Publicacións populares