ORACIÓNS SEMANAS DE ADVENTO 2023 - CICLO B

1. ADORA E CONFÍA

Non te inquietes polas dificultades da vida,

polos seus altibaixos, polas súas decepcións,

polo seu porvir máis ou menos sombrío.

Quere o que Deus quere.

Ofrécelle no medio de inquietudes e dificultades

o sacrificio da túa alma sinxela que, a pesar de todo,

acepta os designios da súa providencia.

Pouco importa que te consideres un/unha frustrado/a

se Deus te considera plenamente realizado/a, ao seu gusto.

Pérdete confiado cegamente nese Deus

que te quere para si.

E que chegará ata ti, aínda que xamais o vexas.

Pensa que estás nas súas mans,

tanto máis fortemente colleito/a,

canto máis decaído/a e triste te atopes.

Vive feliz. Suplícocho. Vive en paz.

Que nada te altere.

Que nada sexa capaz de quitarche a túa paz.

Nin a fatiga psíquica. Nin os teus fallos morais.

Fai que brote,

e conserva sempre sobre o teu rostro,

un doce sorriso,

reflexo do que o Señor

continuamente che dirixe.

E no fondo da túa alma coloca, primeiro de nada,

como fonte de enerxía e criterio de verdade,

todo aquilo que che encha da paz de Deus.

Lembra:

canto che deprima e inquiete é falso.

Asegúrocho no nome

das leis da vida

e das promesas de Deus.

Por iso,

cando te sintas apesarado/a, triste,...

adora e confía.

Semana 1 de Advento B: 

https://xanostesaqui.webnode.es/lecturas-da-misa/lecturas-semanais/advento/semana-1/

LUNS: Mt 8, 5-11 - Chegarán moitos de oriente e occidente para entrar no reino dos ceos 

MARTES: Lc 10, 21-24 - Exulta Xesús co gozo do Espírito Santo 

MÉRCORES: Mt 15, 29-37- Xesús sana a moitos e multiplica os pans 

XOVES: Mt 7, 21. 24-27 - Quen fai a vontade do Pai entrará no reino dos ceos 

VENRES: Mt 9, 27-31 - Por creren en Xesús dous cegos son curados 

SÁBADO: Mt 9, 35 - 10, 1. 6-8  - Vendo á xente, tivo compaixón dela 

 2. NA TÚA PRESENZA, 

ABRO A MIÑA VIDA Á ESPERANZA...

Toma as miñas mans, fainas acolledoras

Toma o meu corazón, faino ardente.

Toma os meus pés, fainos incansables.

Toma os meus ollos, fainos transparentes.

Toma as miñas horas grises, fainas novidade.

Faite compañeiro inseparable

das miñas caídas e tribulacións

E apréndeme a gozar no camiño

das pequenas cousas que me regalas,

sabendo sempre ir máis aló

sen quedarme nas cunetas dos camiños.

Toma os meus cansazos, fainos teus.

Toma as meus beiras, fainas o teu camiño.

Toma as miñas mentiras, fainas verdade.

Toma as miñas mortes, fainas vida.

Toma a miña pobreza, faina a túa riqueza.

Toma a miña obediencia, faina o teu gozo.

Toma o meu nada, fai o que queiras.

Toma a miña familia, faina túa.

Toma os meus pecados.

Toma as miñas faltas de amor,

as miñas eternas omisións,

as miñas permanentes desilusións,

as miñas horas de amargura.

Semana 2 de Advento B: 

https://xanostesaqui.webnode.es/lecturas-da-misa/lecturas-semanais/advento/semana-2/

LUNS: Lc 5, 17-26 - Hoxe vimos marabillas 

MARTES: Mt 18, 12-14 - Deus non quere a perdición dos humildes 

MÉRCORES: Mt 11, 28-30 - Achegádevos a min tódolos que traballades 

XOVES: Mt 11, 11-15 - Non naceu ninguén máis grande ca Xoán Bautista 

VENRES: Mt 11, 16-19 - Nin escoitan a Xoán nin ó Fillo do home 

SÁBADO: Mt 17, 10-13 - Elías xa veu e non o coñeceron 

3. TEMPO DE ADVENTO

Tempo de Advento, 

Tempo de espera.

 Deus que se achega, 

Deus que xa chega. 

Esperanza do pobo, 

a vida nova. 

O Reino nace, 

don e tarefa. 

Cantámosche Pai bo 

á esperanza. 

Con María, axúdanos Señor, 

a vivir xenerosos na entrega, 

a ofrecer a nosa vida como ela, 

a escoitar a túa Palabra en todo tempo, 

a practicar sen descanso o Evanxeo, 

axúdanos a vivir solidarios cos que sofren, 

con quen hoxe como onte 

en Belén non teñen lugar.

Cantámosche Pai Bo á esperanza. 

Cos pastores de Belén, 

axúdanos, Señor, a vivir a Vixilia do teu Reino,

 a correr presurosos ao teu encontro, 

a descubrir o teu Rostro no medio do pobo, 

a non quedarnos "durmidos" 

na construción do mundo novo.

Cantámosche Pai Bo á esperanza. 

Cos anxos de Belén,

 axúdanos Señor, a cantar ao mundo enteiro 

a túa Presenza, Deus-está-con-nós ! 

Construamos a paz entre os homes,

edifiquemos a Xustiza entre os pobos.

Cantámosche Pai Bo 

á esperanza. 

Con Xesús neno-Deus,

axudanos, Señor, 

a abrigar a esperanza que nace en cada Advento, 

a escoitar os clamores do teu pobo, 

a regar coas nosas vidas a semente do teu Reino, 

a ser Mensaxeiros do teu Amor, 

a construír comunidades de servizo e oración.

Nadal, festa do home. 

Nadal, festa de Deus. 

Queremos ser as túas Testemuñas, 

dános a forza Señor. 

Marcelo A. Murúa

Semana 3 de Advento B: 

https://xanostesaqui.webnode.es/lecturas-da-misa/lecturas-semanais/advento/semana-3/

LUNS: Mt 21, 23-27 - De onde era o bautismo de Xoán? 

MARTES: Mt 21, 28-32 - Veu Xoán e os pecadores creron nel 

MÉRCORES: Lc 7, 19-23 - Comunicádelle a Xoán conto vistes e ouistes 

XOVES: Lc 7, 24-30 - Xoán é o mensaxeiro que prepara o camiño do Señor 

VENRES: Xn 5, 33-36 - Xoán é un facho que arde e aluma 

4. MIRADE...

Mirade as estrelas refulxentes brillar,

as súas luces anuncian que Deus aí está,

a noite en silencio,

a noite na súa paz,

murmura esperanzas cumpríndose xa.

Os anxos santos, que veñen e van,

preparan camiños por onde virá

o Fillo do Pai, o Verbo eternal,

ao mundo do home en carne mortal.

Abride vosas portas, cidades de paz,

que o rei da gloria xa pronto virá;

abride corazóns, irmáns,

cantade que a vosa esperanza cumprida será.

Os xustos sabían que a fame de Deus

viría colmala o Deus do Amor,

a súa Vida na súa vida,

o seu Amor no seu amor

serían un día a súa graza e o seu don.

Ven pronto, Mesías, ven pronto, Señor,

os homes irmáns esperan a túa voz,

a túa luz, a túa mirada, a túa vida, o teu amor.

Ven pronto, Mesías,

ser Deus Salvador.

Semana 4 de Advento B (Feiras): 

https://xanostesaqui.webnode.es/lecturas-da-misa/lecturas-semanais/advento/feiras-17-24-decembro/

17 dec: Mt 1, 1-17 - Xenealoxía de Xesús Cristo, fillo de David 

18 dec: Mt 1, 18-24 - Xesús nacerá de María, desposada con Xosé, fillo de David 

19 dec: Lc 1, 5-25 - O nacemento de Xoán Bautista é anunciado por Gabriel 

20 dec: Lc 1, 26-38 - Velaí que concebirás e parirás un fillo 

21 dec: Lc 1, 39-45 - Quen son eu para que me visite a nai do meu Señor? 

22 dec: Lc 1, 46-56 - Fixo en min marabillas o poderoso 

23 dec: Lc 1, 57-66 - Nacemento de Xoán Bautista