É bo honrar o teu nome, Señor - Salmo 91

Domingo 11 de ordinario - ciclo B

BENDITO ES, SEÑOR

Bendito o teu Santo Nome: «Señor»,

fonte de toda vida, Pai de amor.

Bendito es ti. Palabra do Pai.

Verdade e Luz.

Bendito es, Amor.

Danza e abrazo divino, Consolador.

Bendito es, un e trino, de comuñón misterio,

e da graza, río.

Bendito Principio, Santa Trindade,

Alfa e Omega, permanente eternidade.

Bendito, o meu Deus,

o meu amor e a miña luz,

o meu dono e o meu Ti,

a miña vida e o meu sol,

e o meu Eu.

Bendito sexas, Señor.