Se o gran de trigo morre enterrado, dará froito abondoso - Xn 12, 20-33

Domingo 5 Coresma -ciclo B

GRAN DE TRIGO QUE MORRE

Señor Xesús,

Deus e Señor, amigo e mestre,

véxote turbado ante o camiño da vida,

aínda que firme na decisión de obedecer ao Pai

servindo ata o final á xente.

Graciñas, Xesús,

                                              graciñas pola túa turbación e pola túa obediencia                                                      polo teu amor sen límite e pola túa fidelidade.  

                                

   Grazas por te faceres para nós   

                                    gran de trigo que morre na terra;                                         

así non quedaches só,

e arredor teu estamos todos nós,

aprendendo do teu camiño,

gozando dos teus froitos,

vivindo da túa vida.

                                                           Grazas por nos amares a todos nós                                                                 máis que á túa mesma vida;

Así gañácheste a ti mesmo

e gañáchesnos a todos

para unha vida completa e verdadeira.

Xesús,

quero servirte e seguirte,

quero estar onde ti esteas,

quero, coma ti, ser honrado polo Pai,

na hora do amor e da obediencia,

na hora da proba e da fidelidade .

                                                Xesús, consciente da miña gran fraxilidade,                                                   dígoche de todo corazón:

Conta comigo!