Mandou Deus ao seu Fillo para que, por mediación del, se salve o mundo - Xn 3,14-21

Domingo 4 Coresma - ciclo B

EU SON O SEÑOR O TEU DEUS

Eu son o Señor, o teu Deu;

o que soñou contigo antes que naceses

e te chamou á vida.

Eu son o Señor, o teu Deus;

o que te sacou de Exipto

e che deu unha terra nova.

Eu son o Señor, o teu Deus;

o que fixo unha Alianza contigo

e che perdoou cada infidelidade.

Eu son o Señor, o teu Deus;

o que cambiou o teu corazón

e cativou a túa vida.

Eu son o Señor, o teu Deus;

o que cada día te chama

e te invita a vivir en Amor.