Á túa dereita está a raíña, con ouro de Ofir - Salmo 44

Solemnidade da Asunción da Nosa señora

SANTA MARÍA 

DOS OLLOS LIMPOS

Non mancha o que entra de fóra,

senón o que sae do corazón.

O importante é o corazón, é o motor da vida.

Tes que revisar, limpar o corazón

para que marche en plena forma.

Palabras sucias, pensamentos viscosos, accións que rebaixan...

teñen a súa raíz nun corazón enfermo.

Coida o teu corazón!

Hai moitos enfermos do corazón porque o teñen cheo de odio,

de carraxe, de resentimentos, de hipocrisía...

Coida moito o teu corazón!

Tanto vale o home e a muller, canto vale o seu corazón.

Hai corazóns duros coma pedras.

Materializounos o egoísmo.

Son incapaces de amar, incapaces de vibrar

ante as cousas nobres e belas.

Ollos grandes, limpos, iluminados...

para marchar pola vida sen complexos prematuros de pecado.

O pecado empequenece e mingua a grandeza do rapaz e da rapaza,

impídelles gozar da beleza luminosa da vida.

Só gozan de verdade os limpos de corazón!

Modelo de corazón limpo e a Virxe María.

Mirala é comprender toda a beleza sublime das almas iluminadas.

Felices os limpos de corazón, porque verán a Deus.

Pídelle á túa nai María: Corazón grande como o mar,

limpo como unha estrela.

Paga a pena loitar con sangue por manter o corazón transparente.

Nos teus ollos, Virxe María, nosa Nai, hai unha luz misteriosa!

Santa María dos ollos limpos, roga por nós!,

roga por nós!, roga por nós!