Ascensión A. Deus sobe entre aclamacións, o Señor, ao son de trompetas - Salmo 46

Domingo Ascensión do Señor - ciclo A

CONDÚCEME

Guíame, clara luz,

a través das tebras que me rodean,

lévame cada vez máis adiante.

A noite está escura

e estou lonxe de casa,

condúceme Ti, cada vez máis adiante.

Guía os meus pasos: non che pido

que me fagas ver desde agora

o que me reservas para máis adiante.

Un só paso é bastante para min,

polo momento.

Non sempre fun así;

nin tan pouco recei sempre

para que Ti me conducises.

Gustábame elixir o meu propio camiño;

pero agora che pido que me guíes Ti

sempre máis adiante.

Ansiaba os días de gloria

e o orgullo dirixía os meus pasos;

oh! non te acordes deses anos xa pasados.

O teu poder bendíxome longamente,

e sen dúbida agora tamén

saberá conducirme pola estepa e os pantanos,

polo pedregal e os abruptos torrentes

ata que a noite pasase

e sorría o amencer.

Pola mañá, aqueles rostros de anxos

que amara por longo tempo

e que durante unha época perdín de vista,

volverán sorrir.

Guíame, clara luz,

lévame cada vez máis adiante. 

Amén.

Ignacio Larrañaga