O Señor ha manifesta-los motivos dos corazóns - 1 Cor 4, 1-5

Domingo 8 do Tpo.Ordinario - ciclo A

PASA, ENTRA

Unha e outra vez,

sen cansarte,

cando me achego á túa porta, murmúrasme:

Pasa, entra,

aquí fai menos frío que na rúa

e hai leña para o lume;

un pouco de calor non vén mal!

Pasa, entra,

aquí hai unha canción que descansa

e unhas viandas para recuperar forzas;

estarás como en casa!

Pasa, entra,

e sente que hai quen dubida como ti

e levántase coa forza que queda,

sen avergoñarse da súa condición humana!

Pasa, entra,

aquí hai brazos para abrazarte,

beizos para bicarte e oídos para escoitarte;

atoparás o que realmente che fai falta!...

E eu, vencendo as miñas resistencias,

coa cabeza baixa, cheo de dúbidas e fantasmas, 

entro e saio cheo de esperanza...

sen avergoñarme de escoitar a túa Palabra!

Florentino Ulibarri

Paráfrasis de Pedro Guerra